Sindhu a inringtawk

Rio Olympic silver me-dallist PV Sindhu chuan tunkar chhunga khelh tur Hong Kong Open Super Series khel tura a inpeih thu leh cham-pion nomawi chawi tura a inrintawk thu a sawi chhuak.

Indian shuttler hian Pathianni khan khawtual nula Sun Yu hnehin a vawi khat nan China Open Super Series Pre-mier nomawi a chawi a, Hong Kong-ah hian a match hmasa berah Susanto Yulia Yosephin a hmachhawn ang.

Kum 21-a upa Sindhu chuan, "Tun hma lama ka tih theih loh kha ti turin inrintawkna ka nei tawh. Rio Olympic hnuah beisei phak lo mah ila tournament hnuhnung berah ka khel ṭha leh tawh a, tu pawh hneh theih turin ka inbuatsaih," a ti.

World number 1 hlui Saina Nehwal pawh a in-hliam a dam tawh a, Hong Kong-ah hian a inlan ang.