UEFA team of the year Real-in player an thawh hnem

Europe-a football thuneitu sang ber UEFA chuan kumtina a thlan
ṭhin UEFA team of the year-a lang thei tur hming 40 a chhawp chhuak a, player pariat thawhtu Real Madrid chu player thawh hnem ber an ni.

Champions League nomawi chawitu Real Madrid hian goal-keeper Keylor Navas, defender Sergio Ramos, Dani Carvajal, Pepe, midfielder Luka Modric Toni Kroos, forward Gareth Bale leh Cristiano Ronaldo an thawh a, player panga thawhtu Barcelona leh Atletico Madrid-in an dawt.

Barcelona player zingah MSN tia hriat lar Lionel Messi, Luis Suarez leh Neymar te an lang vek a, Andres Iniesta leh Gerard Pique an tel ve bawk - UEFA team of the year-a hmun chang tura tlarhma lama MSN hnawhchhuah hi player dang tan a huphurhawm khawp ang.

Premier League-in player 12 zet an thawh a, Joe Allen, Aaron Ramsey, Riyad Mahrez, N'Golo Kante Toby Alderweireld, Laurent Koscielny, Paul Pogba, Kevin de Bruyne, Dimitri Payet, Sergio Aguero, Alexis Sanchez leh Zlatan Ibrahimovic te chu UEFA team of the year-a lang thei tura hming chhawpchhuah zingah an tel.

UEFA team of the year-a lang thei tur hming 40 chhawpchhuahah hian goalkeeper pali, defender 12, midfielder 12 leh forward 12 an tel a ni. UEFA team of the year thlang tur hian fan-ten vote thlak theih a ni a, UEFA website www.uefa.com-ah player duh zawng thlangin January 3 thleng vote a thlak theih ang.

UEFA team of the year-a lang thei tura hming chhawpchhuah:

Goalkeepers: Gianluigi Buffon (Juventus), Keylor Navas (Real Madrid), Jan Oblak (Atletico Madrid) Rui Patricio (Sporting Lisbon).

Defenders: Toby Alderweireld (Tottenham Hostspur) Jerome Boateng (Bayern Munich), Leonardo Bonnuci (Juventus), Dani Carvajal (Real Madrid), Diego Godin (Atletico Madrid), Raphael Guerreiro (Borussia Dortmund), Juanfran (Atletico Madrid), Joshua Kimmich (Bayern Munich), Laurent Koscielny (Arsenal), Pepe (Real Madrid), Gerard Pique (Barcelona), Sergio Ramos (Real Madrid).

Midfielders: Joe Allen (Stoke City), Kevin De Bruyne (Man City), Yannick Carrasco (Atletico Madrid), Andres Iniesta (Barcelona), N'Golo Kante (Chelsea), Toni Kroos (Real Madrid), Grzegorz Krychowiak (PSG), Riyad Mahrez (Leicester), Luka Modric (Real Madrid), Dimitri Payet (West Ham), Paul Pogba (Man Utd), Aaron Ramsey (Arsenal).

Forwards: Sergio Aguero (Man City), Pierre-Emerick Aubameyang (Borussia Dortmund), Gareth Bale (Real Madrid), Antoine Griezmann (Atletico Madrid), Gonzalo Higuain (Juventus), Zlatan Ibrahimovic (Man Utd), Robert Lewandowski (Bayern Munich), Lionel Messi (Barcelona), Neymar (Barcelona), Cristiano Ronaldo (Real Madrid), Alexis Sanchez (Arsenal), Luis Suarez (Barcelona).