Argentina inkhelhna tur hun leh hmun an sawn

World Cup 2026 khel tura inbuatsaih Argentina leh Puerto Rico reb friendly match an khelhna tur hun leh a hmun chu sawn a ni, ruahmanna tharah chuan October 14, Thawhlehni zing dar 4:30-ah an inhmachhawn ang.

A tirah chuan ram pahnih hi Ocotober 13, Thawhṭanni zingah Chicago-a inkhel tura tih an ni. Mahse, Chigaco khawpuiah hian raltlan chungchanga lungawi lohna lantir an tam avangin, him leh ṭha zawka match khelh a nih theih nan an sawn.

A hmun thar tur hi Chase Stadium, Florida a ni dawn - Argentina captain Lionel Messi-a khelh mekna Inter Miami khelmualah an intawng dawn tihna a ni a, a tira ticket an hralh chhuah bak hralh belh tur an nei thei dawn bawk a ni.

World champion Argentina hi World Cup 2026 khel turin an tling chiang tawh - October 11, Inrinni zing dar 5:30 hian Venezuela nen friendly match an khel bawk ang.

Argentina coach Lionel Scaloni chuan player naupang zawkten inkhelhna hmun an chan tur thu a sawi tawh a, hetihrual hian tawnhriat nei ṭha pawh a ko nual tho a ni.