Fiahna paltlangtu Sabalenka

Tennis inalna Wuhan Open khelh mekah, hmeichhe number 1 Aryna Sabalenka chuan fiahna a paltlang chho zel - nimin khan Liudmila Samsonova chu 6-3, 6-2 a hnehin quarterfinal a invaw kai.

Centre Court-a inkhelah, seeded pakhatna Sabalenka hian ama service a hum kim thei a, hetih lai hian a khingpui service chhuhsak theihna hun ṭha vawi ruk a hmuh zinga pathum chu a tihlawhtling thei thung.

Belarus star Sabalenka hian a match hmasa zawkah fiahna hautak a lo hmachhawn tawh, player langsar tak ni lem lo Rebecca Sramkova lakah a chesual teuh hle, mahse a tawpah erawh 4-6, 6-3, 6-1 in a chak.

Wuhan Open hi Sabalenka tan chuan hmun nuam a ni, kum 2018, 2019 leh 2024 te khan a lo champion tawh, kuminah a vawi li nana title la tur pawhin a dinhmun a siamṭha chho, vawi thum chak a la hmabak a ni.