Karate inelna thleng turin Mizoram a inpeih

Mizoramin 9th NESKFI North East Karate Championship 2025 a thleng tur atan inbuatsaihna peih a ni tawh a, All Mizoram Karate Association (AMKA) president R. Zomawia chian inelna thleng tura an inpeih thu a sawi.

Karate inelna hi vawiin aṭangin R. Dengṭhuama Indoor Stadium, Mualpuiah khelh ṭan a ni dawn. R. Zomawia chuan, "Championship-ah hian North East State hrang hrang aṭangin national leh international Karate player ṭha tak tak an rawn tel dawn.

"Championship buatsaihna senso pawh hi a hautak a; senso tur hi NorthEast Karate Federation of India (NEKFI) aṭanga sponsor dawn a ni a, Mizoram aṭangin Main Sponsor-ah Mizoram State Sports Council (MSSC), Co-sponsor atan Mizoram Rural Bank (MRB), Labour, Employment, Skill Development and Entrepreneurship (LESDE) Department leh Taxation Departmentan an ni," a ti.

North East Karate Championship neihna a tel tur Mizoram Karate team head coach Lalrawngbawla chuan, "Mizoram team inbuatsaihna theih tawp chhuaha kalpui a ni a, North East-a karate player-te hi an ṭha tlang hlawm hle nain, champion team nih ngei kan tum," a ti.

AMKA hruaitute chuan tournament en tur hian Mizo mipui an sawm bawk.