Mahrez hoin Algeria an tling

Riyad Mahrez awmna Algeria chu World Cup 2026 khel turin an tling - football inelna ngaihhlut berah hian kum 2014 hnua a vawi khat nan an inlan ve leh thei dawn a ni.

Algeria hian Ningani zan khan Algeria hian Somalia chu 3-0 in an hneh - Algeria tan hian forward Mohamed Amoura chuan goal hnih a khung inkarah Mahrez chuan goal khat dang a khung a, khualmualah point thum hlu tak an hlawh chhuak.

South Africa World Cup qualifying Group G-ah Algeria hian match kua an khelh aṭanga point 22 hmuin hma an hruai a, khelh zat inangah anmahni hnaih bertu Uganda chuan point 18 an hmu thung - match khelh hmabak pakhat la nei mah se mi dang tan umphak theih an ni tawh lo.

Inkhel dangah Liberia chuan an beiseina chhi nung turin Namibia chu 3-1 in an hneh, a tir lam minute 10 a tlin hmain Ayouba Kosiah leh Mamadu Bah ten an khung nghal a, hnunglam an hawi tawh lo. Edward Ledlum-a'n khung lehin hun tawp dawna Namibia tana David Ndeunyema goal khungin awmzia a nei tawh lo.

Group H-ah Namibia hi pahnihna an ni chhunzawm a, an match hnuhnung berah tling chiang tawh Tunisia an hmachhawn ang, inkhel dangah Liberia chuan Equatorial Guinea an tlawh thung dawn a ni.