Faroe Islands-in Czech an barakhaih

Europe World Cup qualifier-ah beisei loh result kan hmu - FIFA ranking-a 136-na Faroe Islands chuan 2-1 in Czech Republic an hneh a, World Cup khelh beiseina an la nei!

Faroe Islands tan Slovenian club Celje defender Hanus Sorensen chuan minute 67-naah goal hmahruai khungin, Czech tan Lyon attacking midfielder Adam Karabec chuan si phurh a sut.

Mahse, Faroe Islands hian Danish club Aarhus Fremad defender Martin Agnarsson hmangin an khung belh a, 2-1 in an chak - an awmna group-ah hian Croatia chu hmahruaitu an ni mek.

Croatia hian 3-0 in Gibraltar an hneh thung a, Toni Fruk, Luka Sucic leh Martin Erlic ten goal khat ṭheuh an khung. Croatia hian match ruk aṭanga point 16 neiin hma an hruai mek.

Europe qualifier-ah hian group tina hmahruaitu chu last 16 lut tur an ni a, pahnihnaten playoff an khel dawn - Czech chu pahnihna an ni a, Faroe Islands hian point khatin an phak lo mek.

Mahse, an match tawp berah Croatia an hmachhawn dawn a, Czech hian Gibraltar an hmachhawn dawn thung - mi 55,000 awmna Faroe Islands hi an tling thei a nih chuan, World Cup khel thei ram zinga ram tê ber an ni ang.