Australia hmeichhe team-in record siam

ICC Women's World Cup-ah Pathianni zan khan India hmeichhe team-in Australia lakah 330 runs zet siam mah se mikhual team hian Alyssa Healy century (142) hmangin 331/7 runs an siam a, wicket thumin hnehna an chang.

Australia hian ODI-a an khingpuite runs an pek tam ber ṭum tawng mah se hmeichhe ODI-a target um pha sang ber record siam nan an hmang ta thung. Team riat telna World Cup-ah Australia-in match liah point sarih hmuin pakhatna dinhmun a luah a, India-in match liah point li hmuin pathumnaah an awm mah se a sang pali aṭanga chhuak thei an ni.

India hian an elpui England, New Zealand leh Bangladesh te an hmachhawn dawn a, Visakhapatnam-a 330 runs siam chunga an chak zawh loh avangin hmabak a harsa dawn hle.