Everton-ah Pickford cham zel dawn

Jordan Pickford chu Everton tan a khel chhunzawm zel dawn - England goalkeeper leh Everton hian inremna an nei tawh a, tun kar tawp lamah a contract thar hi puanzar a ni ang.

Kum 31 mi Pickford hian 2017 khan Toffees hi a zawm, pound maktaduai 30 man niin a hunlai chuan British goalkeeper zinga man tam ber a ni hial a, tuna an inremna thar hi tarlan la ni chiah lo mah se chanchinbu rintlak BBC chuan an tarlang tawh a ni.

Pickford-a contract neih lai hi kum 2027 thleng daih a ni a, an inremna thar ang chuan a hlawh a pun ngei a rinawm - Everton tan hian player of the year chawimawina vawi li a dawng tawh, hun rei zawk atan an chelh hi a mak lo.

Everton tana match 392 khel tawh Pickford bakah hian, tun thlatir lam khan Everton hian an captain James Tarkowski chu kum hnih atan contract an lo ziah thar pui tawh bawk.