Sneijder khumtu Depay

Memphis Depay chuan Wesley Sneijder khumin Netherlands tana assist nei tam ber dinhmun a chelh a, World Cup 2026 qualifying inkhelah an ram hi Finland lakah 4-0 in hnehna a chanpui.

Pathianni zan Johan Cruijff ArenA-a inkhelah, Depay hian penalty a khung. Goal a khung hma hian Donyell Malen leh Liverpool captain Virgil van Dijk te khung tur a siamsak a, Oranje jersey ha chungin a ṭhiante goal khung tur vawi 35 a siamsak tling ta chiah a, record lo ding hmasa Sneijder (34 assist) chu a khum ta chiah.

Corinthians forward Depay hian ram tan goal 54 a khung tling ta bawk a, an ram tana goal khung tam ber a nihna chu a belh chhah zel bawk - kum 31 mi chauh a la ni a, sulhnu duhawm zawk a siam belh zel pawh a rinawm.

World Cup qualifying Group G-ah Netherlands hian match ruk an khelh aṭangin point 16 an hmu a, table chung berah an awm; anmahni hnaih bertu Poland aiin khelh zat inangah point thumin an hmu tam zawk.