Luton manager thar Wilshere

Arsenal midfielder hlui Jack Wilshere chuan Luton Town a enkawl dawn - League One club nen hian kum thum chhung atan inremna an nei tawh a, manager nghet a nih vawi khatna tur a nih avangin a tan chona lian tak a ni ang.

Wilshere hi kum 33 mi chauh a la ni a, hliam vangin a inkhel rei lo, a kum la tam lo mah se inkhelh chawlhsanin team enkawl hna a thawk ta zawk; Luton hma hian Matt Bloomfield chu a lo enkawl lailawk tawh a ni.

England international hlui Wilshere chuan, "Luton Town manager han nih chu ka tan chuan chawimawina sang tak a ni. Kum riat mi lek ka nih lai khan Luton hi ka lo zawm tawh a, football nun bul ka ṭanna hmunah ka kir.

"Club thuneitu lamin ka chungah rinna an nghat ngam a, hei aia thu lawmawm hi ka tan chuan a awm thei tawh chuang lo ang. Club hian thil tum sang leh ṭha tak a nei, chumi chu tihhlawhtlin kan tum dawn a ni," tiin a sawi.

Luton hi tun hnaiah an chesual nasa, a kum zawnin division pahnih aṭangin an tlahniam. Tun dinhmunah League One table-ah 11-na an ni mek a, chona hmachhawn tur a hautak dawn hle.