Inter HSS Volleyball Tourney: Hmun thumah inkhel a awm dawn

Mizo Zirlai Pawl (MZP) leh Mizoram Volleyball Association (MVA) ṭangkawpin an buatsaih - Inter Higher Secondary School Volleyball Tournament 2025 chu nimin khan khelh ṭan a ni a, vawiin hian hmun pathum - Aizawl West Jt YMA Hall, Tuikual Indoor Stadium leh Electric Veng Indoor Stadium-ah te khelh chhunzawm a ni ang.

Tournament-ah hian mipa team 18 leh hmeichhia team 12 an inlan a, pool paliah ṭhen hran niin, an inkhel kual vek dawn; ni khatah match pakhat aia tam an khelh a ngaih chang a awm dawn a, schhool ṭhenkhat chuan team pakhat aia tam an nei bawk.

Ruahman dan chuan tournament hi October 17, Zirtawpniah a hmawr bawk tur a ni ang.