Ilicic-a'n goal ropui a khung

27th January, 2020

Inrinni zan Serie A inkhelah Atalanta-in Torino 7-0 in an sawp a, Josip Ilicic chuan halfway line bul aṭangin mawi zetin a pet goal. Inkhel dangah AC Milan-in Ante Rebic-a goal hmangin Brescia 1-0 in an hneh a, Zlatan Ibrahimovic a khel tluan.

Olimpico di Torino-ah mualneitu Torino an mualpho a, Atalanta tan Slovenian attacking midfielder Josip Ilicic (17', 53', 54') chuan hattrick a siam a, Luis Muriel Fruto-a'n (88', 88') goal hnih khungin Robin Gosens (29') leh Duvan

Zapata (45+1') ten goal khat ve ve an khung.

Torino player Armando Izzo (76') leh Sasa Lukic (89') te hnawhchhuah an ni a, inkhela langsar ber erawh Ilicic-a goal a ni. Atalanta-in Torino player handball vangin halfway line pelh hretah freekick an hmu a, kum 31 mi Ilicic hian pet thutin keeper Salvatore Sirigu a tlawh hma bawk avangin goal-ah chiang takin a lut.