Mercedes-in driver thlak dawn lo

Formula 1 team hlun Mercedes chuan season tharah pawh driver thlak tumna an nei hran lo, an driver duhlai George Russell leh Andrea Kimi Antonelli te chu nakkumah pawh an hmang chhunzawm dawn tih an sawi chiang tawh a ni.

Mercedes boss Toto Wolff chuan, "Mite chuan thil danglam hmuh an lo beisei a ni mai thei, chutiang ngawt erawh chu a ni lo. Keini chuan kan driver-te hi kan ringtawk em em a, an tan hian ṭhun ṭha siamsak kan duh.

"George leh Kimi te hi an ṭangrual ṭha em em a, inelna thianghlim an lantir theite hi a lawmawm. Nakkum atana driver tur kan tihchian avang hian kumin hi kan hlamchhiah ta tihna erawh a ni lem lo," a ti.

Lewis Hamilton-a chuahsan tak Mercedes hian season an hmang chhe hran lo, team championship lamah chuan McLaren chauh an tluk lo mek, an hnuaiah Ferrari leh Red Bull te an awm a ni.