Pathianni zanah US Grand Prix

Formual 1 champion tur a la chiang lo a, tun season chhungin intlansiak hmabak paruk chauh a awm tawh - Pathianni zan dar 12:30 hian United States Grand Prix chu Circuit of the Americas-ah an tlan dawn, a hmuhnawm leh khawp ang.

Car intlansiakna sangah hian McLaren driver pahnih Oscar Piastri leh Lando Norris te an che ṭha tluang a, driver championship-ah pawh hma an hruai; an dinhmun a ṭhat fal viau hnuah Max Verstappen a rawn ṭang mar ve leh a, inelna boruak a tinung thar.

Red Bull driver Verstappen hi a zawna vawi li champion thei a nih avangin ngaihthah theih a ni lo - Dutch tlangval hian hmahruaitu Piastri a phak lohna chu point 63-ah a sawr zim leh tawh, intlansiak pakhatah point 25 ngawt a hmuh theih avangin an dinhmun a la danglam dawrh thei.

Season an hman dan thlir chuan Piastri leh Norris te hi champion tura rinkai an ni, mahse inelna boruak sang leh hautak an tawng chho mek a, tawnhriat nei ṭha Verstappen hian eng ang takin nge a beih let theih tih chu khawvelin a ngaichang ṭhup a ni.