Raducanu tan season a tawp

Tennis season la zo lo mah se Emma Raducanu chu kuminah a inkhel dawn tawh lo, damlohna avangin tournament khelh hmabak pahnih a la neih aṭangin a inhnukdawk fel a ni.

Kum 22 mi Raducanu hi Asia khawmualpuiah inelna hmachhawn turin a zin chhuak a, mahse harsatna a tawk - damlohna vangin enkawl a ngai. Tokyo leh Hong Kong-ah inlan tura tih ni mah se, a inhnukdawk leh ta zawk.

US Open champion hlui Raducanu hian kuminah match 28-ah hnehna a chang a, hliam leh harsatna dangin a tlak buak fo avangin a hlawhtling tawk lo, a hnungzâng na vangin a duh aia hmain season a khar a ngai ta a ni.