India ramah Marin a champion
Syed Modi International badminton tournament 2019 chu Pathianni zan khan a hmawr bawkna neih a ni a, hmeichhe singles final-ah Carolina Marin chuan a hliam a dam tawh tih lantirin Phittayaporn Chaiwan chu 21-12, 21-16 in a hneh.
Kumin January thla khan Marin a ke a hliam a, hun rei tak chhung a inkhel thei lo. World champion vawi thum ni tawh hi world ranking lamah pawh 18-naah a tlahniam hman, mahse tunah chuan a dam leh tawh - hlawhtlinna nen a rawn kir.
Spain nula hi thla riat a chawlh hnuah September thla khan China Open-ah hlawhtlinna a chang a, chumi hnuah French Open final thleng lehin a chak lo thung. Tunah erawh player ṭha bik a nihna chu chiang takin a lang.
Mipa singles lamah India tlangval Sourabh Verma chuan final a lut ve. Mahse, world number 22 hi Wang Tzu Wei lakah 21-15, 21-17 in a chak lo. India tlangval ṭha dang Kidambi Srikanth inlan ve mah se semifinal thleng zo loin a zinkawng a lo tawp tawh a ni.
Men singles
Wang Tzu Wei bt Sourabh Verma 21-15, 21-17
Women singles
Carolina Marin bt Phittayaporn Chaiwan 21-12, 21-16
Men doubles
He Jiting bt Choi Solgyu
Tan Qiang Seo Seung Jae 21-18, 21-19
Women doubles
Baek Ha Na bt Chang Ye Na
Jung Kyung Eun Kim Hye Rin 23-21, 21-15
Mixed doubles
Rodion Alimov bt Marcus Ellis
Alina Davletova Lauren Smith 21-18, 21-16