Haaland-a'n goal khung zel

Manchester City-in Inrinni zan khan Everton 2-0 in an hneh a, goal hnih hi Erling Haaland-a khung ve ve a ni. Norwegian striker hian tun season-ah match 13 khel tawhin goal khung lohna match khat chauh a nei a, City tan bik match 10-ah goal 14 a khung tawh a, Premier League-ah goal 11 a khung tawh bawk.

Etihad Stadium-ah City-in first half-ah khung thei lo mah se second half-ah erawh Haaland chelh reng theih a ni lo a, keeper Jordan Pickford khel ṭha lo se chuan City striker hian goal tam zawk a khung ang.

Goal hmasa zawk hi mintue 58-naah Haaland hian Nico O'Reilly cross a tauh lut a, minute 63-naah Savinho pass chu kawh zetin a pet lut leh bawk. Norwegian striker hi boruak leh leiah a ṭha ve ve a, Premier League-ah a zawnin match ruk chhung goal a khung tawh a, goal khung tam ber a ni mek.