Mizoram leh Meghalaya inkhel thei lo

Ranji Trophy plate group-ah Mizoram chu October 15-18 chhung khan Meghalaya nen, Shillong-ah inkhel tur ni mah se, an inkhelhna tur hmun MCA Ground, Polo chu a ro ṭhat theih loh avangin an inkhel tur chu ṭhulh a ni.

Ruah sur avangin khelmual hi ro hleithei loin a awm a, hmun ṭhenkhat lai chu lei a nem hle. Hei vang hian umpire leh match referee te chuan inkhelhna chiah an ngai lo a, ball vawi khat pawh vawm loin an ṭhulh.

Mizoram hian an match hnihna khel turin Ahmedabad, Gujarat an pan zui a, October 25-28 chhung hian Arunachal Pradesh nen an inkhel ang.