Antony-a'n goal hnih a khung

Manchester United duh loh Antony-a'n Spanish football-ah hming a chher chhunzawm a, Villarreal lakah goal hnih khungin, Betis chu point khat a hlawhchhuahpui.

Inrinni zan inkhelah Villarreal hian Tajon Buchanan leh Alberto Moleiro goal hmangin, 2-0 in hma an hruai a, mahse, Antony hian an goal hnihna an chhuah hnu lawkah, si phurh sut ṭhenna goal khungin, hun pek belhah si phurh a sut zo zui.

Kum 25 mi Antony hian tun season-ah Betis tan inelna hrang hrangah match ruk khelin goal thum a khung a, assist vawi khat a nei tawh.

Betis-in point khat an hlawh chhuak a, La Liga table-ah pangana dinhmun an luah zui - palina Atletico Madrid nen an point hmuh zat a inang chiah.