German football roreltu Bayern

Bayern Munich-in German football-ah lal dang an awm ve an rem ti lo - Inrinni zan khan tun season-a anmahni ang thoa la tlawm lo Borussia Dortmund chu 'Der Klassiker-ah' 2-1 in an hneh a, Bundesliga hmahruaitu an nihna chu an sawh nghet zel.

Bayern tan Harry Kane chuan minute 22-naah goal hmahruai a khung a, minute 78-naah Michael Olise chuan a belhchhah. Dortmund tan Julian Brandt chuan hun tawp nan minute ruk chauh a awm tawh tihah a khung ve leh a, mahse, goal dang an khung theih loh avangin an tlawm.

Kum 32 mi Kane-a'n khawvela striker ṭha ber pawl a nihzia a pholan chhunzawm zel a, tun season Bundesliga match sarihah goal 12 a khung tling der tawh!

Kane hian inelna hrang hrangah match 11 khel tawhin, goal 19 a khung tawh a, assist vawi thum a nei - November chuan kai hma hauhin, striker pangngai takin season khata goal an khung zat chu a khung tling der tihna a ni.

Bayern hian league match sarih an khelh tawhah hnehna an la chang vek a, anmahni ang thoa tlawm la nei lo Dortmund chu a vawi khat nan an lo tlawmtir thung.

Dortmund hian Bayern an hmachhawn hma hian league match rukah vawi li hnehna changin, vawi hnih an khingpui an inhnehtawkpui a, Bayern an tawn meuh chuan an tlawm ve ta.