A vawi khat nan Fernandez a chak

Raul Fernandez chuan Australian Grand Prix-ah hnehna a chang a, bike intlansiakna sang MotoGP huangah Spanish rider hian a vawi khat nan chak ni hmel a hmu a ni.

Kum 24 mi Fernandez hi amah hnaih bertu Fabio Di Giannantonio aiin second 1.418-in a thleng hmasa zawk a, lap 10-na bawr aṭanga a hmahruaina chu a hmang ṭangkai a, a phu ang ngeiin hnehna hi a chang.

Intlansiakah hian Marc Marquez chu a inlan ve lo - Spanish rider Marquez hi a hliam enkawl a nih avangin a chawl mek, a vawi sarih nan a champion tawh tho avangin a tan chuan nomawi a him tawh a ni.

Marquez-a nau Alex Marquez chu palinaah a thleng a, ani pawh hian point 282 a hmuh tlin tawh avangin midang tan umphak theih a ni tawh lo a, rider championship table-ah pahnihna a ni tlang dawn tih a chiang ta bawk.

Tun season chhungin - United States, Mexico, Brazil, Las Vegas, Qatar leh Abu Dhabi Grand Prix te tlan hmabak an la nei a ni.