India vawi thum chak lo zawn

ICC Womens World Cup-ah India-in Pathianni khan England run liin an hneh lo a, match thum a zawna an chak loh vangin semifinal kalkawng a harsa sawt dawn. India hian Sri Lanka leh Pakistan an hneh hnuah South Africa, Australia leh England te an hneh lo.

Holkar Stadium, Indore-ah England-in 288/8 runs an siam a, India-in over tawp thlengin chak beiseina an la nei. Over 47-naah India hian chak turin 29 runs siam a la ngai a, mahse over hnuhnung pathum aṭangin 22 runs chauh an siam thei a, over 50-ah 284/6 runs siamin run liin an chak lo.

England hian Australia leh South Africa te hnung zuiin semifinal an lut a, hmunruak pakhat la awm hi India leh New Zealand ten an inchuh dawn. October 23, Ningani hian India-in Navi Mumbai-ah New Zealand hi an hmachhawn dawn a, an chak a nih chuan match khat khelh hmabak neiin semifinal an lut ang.