Aussies lakah India tlawm

Australia leh India chuan Pathianni aṭang khan ODI match thum an khelh tura hmasa ber Optus Stadium, Perth-ah an khel ṭan a, Aussies hi wicket sarihin an chak. ODI match vawi hnihna hi October 23, Ningani chawhma dar 9:00 hian Adelaide Oval-ah khelh a ni ang.

Optus Stadium-a inkhelah Australia-in vawm hmasak an thlang a, India opner Rohit Sharma (8) leh Shubman Gill (10) ten run tam an siam lo a, Virat Kohli pawh a duck out. Axar Patel (31) leh KL Rahul (38) te zarah India-in 136/9 runs an tlin a, inkhel hi ruahsur vangin 26 overs-ah pawh tawi a ni.

DLS method hman a ni a, Australia tan chak turin 131 chauh siam a ngai. Aussies-in captain Mitchell Marsh (46) leh Josh Philippe (37) te hmangin over 21.1-ah 131/3 runs siamin hnehna an chang.