Rohit leh Kohli te dah sangtu Ponting

Australia cricket legend Ricky Ponting chuan India batter Rohit Sharma leh Virat Kohli ten theihna an neihsan thu a sawi a, 2027 World Cup squad-ah pawh an tel ngei a rin thu a sawi.

India hian Australia-ah ODI series an khel mek a, match hmasa berah Rohit hian run riat chiah siamin Kohli-a'n run a siam lo. Ponting chuan, "Champion player dah bo an thiang lo. An pahnih hian khawvela player ṭha ber zinga mi an ni a, Virat phei chu ka player hmuh tawhah chuan ODI player ropui ber a ni. Team chak nan an theihna an rawn lantir ka ring a, an rawn lantir a nih chuan 2027 World Cup squad-ah pawh an tel chiang ang," tiin a sawi.

India leh Australia te hian October 23, Ningani hian Adelaide-ah ODI match vawi hnihna an khel dawn a, helai hmunah hian Kohli-a'n century vawi nga a siam tawh a ni.