Pressure min lak kiansak - Lammens

Manchester United goalkeeper Senne Lammens chuan manager Ruben Amorim a fak a, Portuguese manager hian player-te khelh ṭhat theih nan mawhphurhna a lak thu a sawi.

Nipui bazar tawp niah Lammens hian Man United a zawm a, khelhna hmun a chang lawk lo. Sunderland a hmachhawn ṭum aṭangin Belgian keeper hi a rawn ilan ṭan a, ṭum hnih a khelh tawhah United an chak ve ve.

Lammens a inlan har vang ringawt pawh hian Amorim-a'n sawisel a tawk nasa a, khelh tir dan a thlak duh loh vanga ban tura duhtu pawh an ṭhahnem. Mahse, Anfield-ah Liverpool an hneh a, Amorim-a hnathawh faktu an pung ṭan.

United goalkeeper Lammens chuan, "Ruben Amorim hian team-in pressure kan neih loh nan amahin mawhphurhna a la a, sawisel pawh a tawk nasa. Mahse, hei hi manager ṭha te chet dan a ni," tiin a fak.

Man United hian European football an khelh phak loh avangin Premier League-ah an insawrbing thei a, October 25, Inrinni zana Brighton & Hove Albion an hmachhawn tur atan inpuahchahna an nei thei ang.