Verstappen leh Hamilton hahchawl dawn

Tun kar tawp hian Formula 1 Mexico City Grand Prix an tlan dawn a, practice an tlan hmasak berah Max Verstappen leh Lewis Hamilton te an inlan ve dawn lo.

Formula 1 inkaih-hruaina danah, season khat chhungin driver zawng zawngte chu practice session vawi hnih tal an chhim tir tur a ni a, hei vang hian Red Bull leh Ferrari chuan tun kar tawp practice hmasa berah an driver langsar lo zawk an tel tir ang.

Autodromo Hermanos Rodriguez-ah Verstappen ai hian Red Bull junior driver Arvid Lindblad chu a inlan ang. Ferrari pawhin Hamilton aiah Antonio Fuoco an hmang dawn tih an sawi chiang tawh a ni.

Khawvela car intlansiakna sang ber Formula 1 season a zo hnai a, kumina intlansiak 24 an neih tur zinga 19 chu an tlan tawh. Tlan hmabak panga an la neihah hian inelna boruak a sang chho dawn hle.

A zawna vawi li champion thei Verstappen hi tun hnaiah a rawn che ṭha chho leh a, Dutch tlangval hi McLaren driver pahnih Oscar Piastri leh Lando Norris te tan a hnawk phak avangin season tawp dawn lama an inum hi a hmuhnawm zual dawn.