Player-ten chak loh an hreh - Aizawl FC coach

Aizawl FC-in season zawnin chak loh nei loin MPL League Winner nomawi an chawi a, coach R. Lalruatfela chuan team thawhhona fakin player-te rilru put hmang a fak hle.

Kolasib tlangval R-a chuan, "Tun season-a MPL record pahnih chak tam ber leh point hmu tam ber kan siam hi beisei phak bak a ni a, season ṭan tirhin hetiang kan thleng pha ang tih ka ring lo hrim hrim. Player-te ka fak duha chak loh hi an hreh tak zet, hei hian tun dinhmun min thlen a ni," tiin Vanglaini ka hrilh.

Aizawl FC leh Saikhamakawn hi an intawn ṭum hmasa pahnihah an inhnehtawk a, a ṭum thumnaah SKK an chak. R-a chuan, "Team ṭha tak an ni a, tun ṭumah pawh hun tawp lam kha chu kan talbuai deuh a, hneh an awlsam lo khawp mai. Keini ang tho a tlawm duh lo team an niin ka hria. Ti khan tun season-ah MPL team dang zawng zawng kan hneh ta vek a hei hian semifinal-ah min pui ang," tiin coach Lalsangzuala Hmar enkawl an hneh avanga inringtawkna an ngah sawt thu a sawi.