Goal khung ṭhulh lo Haaland

Erling Haaland-a'n goal khung a ṭhulh thei lo - Thawhlehni zan khan Champions League inkhelah goal a khung leh ta a, Bernardo Silva-a'n goal khat khung bawkin, khualmualah Villarreal chu 2-0 in an hneh.

Haaland hian minute 17-na lekah goal hmahruai hi a khung a, amah vengtu Juan Foyth tlan sanin, Rico Lewis-a cross chu ṭha zetin goal-ah a chantir - striker goal dik tak a ni.

City tan Silva-a'n belhchhah ve lehin, Champions League match thum an khelhah vawi hnih hnehna an chang ta - vawi khat hi an khingpui an inhnehtawkpui thung a ni.

Haaland-a'n inelna hrang hrangah match 12 zet chu a zawnin goal a khung ta a, tun season-ah match 11 khelin goal 15 lawih a khung tling leh der tawh!

City boss Pep Guardiola chuan, "Season hmasa kan hman dan a duhawm lo hle. UCL-ah khel chhe hran loin, a mimal takin sulhnu nei ṭha mah ila, season hmasa zet kha chu a harsa ve thlawt.

"Tunah erawh team boruak leh ka naute khelh dan hian min tiphur ta hle a ni," a ti a, City-in ngai an awh chho leh ta nia lang chu lawmawm a tih thu a sawi.