Mizoram Sub Jr Team-in Amritsar an pan

Sub Junior Boys National Football Championship chu October 27 aṭangin Amirtsar, Punjab-ah khelh a ni dawn a, Mizoram team chuan nimin khan Aizawl an chhuahsan.

Mizoram hi group A-ah Manipur, Odisha leh Bihar te nen an awm ho a, group khat aṭangin a sang ber chauhin semifinal an lut. Semifinal hi November 4, Thawhlehniah khelh tur a ni a, Mizoram awmna group hian group C-a pakhatna an hmachhawn ang.

Group C-ah hian Karnataka, Assam, Uttar Pradesh leh West Bengal te an awm. Mizoram hi Mission Vengthlang pa K. Lalrindika'n (Dika) a hruai dawn a, ani hi Reliance - MFA project-ah head coach a ni mek.

Dika chuan, "Mizoram team hi kum dik tak vek kan ni a, ni 22 vel residential camp kan nei a, inbuatsaihna kan nei ṭha. Sub junior level a nih angin champion tluk zetin kan nauten ground pawn leh chhunga an hmasawnna football an khelh chhoh zelna atana ṭangkai tur zirtir kan ngaipawimawh hle," tiin khelmual pawn leh chhung an ngaih pawimawh thu Vanglaini a hrilh.