Djokovic a inkhel thei dawn lo

Novak Djokovic chu a ke hliam vangin a inkhel thei dawn rih lo - Serbian star hi kar leh aṭanga khelh tur Paris Masters aṭangin a inhnukdawk a, engtiang chena rei nge a chawlh dawn tih erawh sawi theih a la ni lo thung.

Grand Slam vawi 24 champion tawh Djokovic hi kum 38 mi a ni tawh a, a vanglai a pel tawh. Grand Slam pali chhiar tel lo chuan ATP Tour level-ah vawi riat chiah a inlan, a inkhel tam tawh lo hle a ni.

Djokovic chuan, "Vanduai thlak takin kumin chu Paris Masters ka khel thei dawn lo, vawi sarih ngawt ka champion tawhna hmun a nih avangin ka ngaihluin, ka thinlungah hmun pawimawh tak a chang.

"Theih ni se la chuan tournament hi khelh ngei pawh ka duh, mahse ka hliam vangin in enkawl ka la ngai. Nakkumah erawh ka inkhelh theih ka beisei," a ti a, tennis chawlhsan mai chu a la tum lo.

Djokovic hi a elpui Rafael Nadal leh Roger Federer te an chawl tawh a, player chhuak thar Carlos Alcaraz leh Jannik Sinner te tan elpui hautak a ni leh phak a, nomawi lian tham chawi erawh a harsat ve ta hle a ni - season hnih chhung chu major title a la thei ta lo a ni.