PSV-in Napoli an barakhaih!

Champions League-ah beisei loh result a thleng - PSV Eindhoven chuan an mikhual Napoli chu 6-2 in an sawp a, Scott McTominay-a goal hnih khungin Italian club a chhanhim zo lo.

Napoli hian Serie A Player of the Year McTominay hmangin minute 31-na lekah goal hmahruai an khung a, mahse, beisei ang erawhin thil a kal zui lo - Alessandro Buongiorno (own goal) leh Ismael Saibari ten chawlhlawk hman hmain, 2-1 in PSV hma an hruaipui.

Second half-ah pawh thawnthu a danglam lo. Minute 54-naah Dennis Man-a'n PSV goal thumna a khung a, minute 76-naah Italian club buaina belhchhah a ni zui - striker Lorenzo Lucca chuan referee thutlukna a hnial a, red card pek a ni!

Antonio Conte enkawl Napoli an tho tawh lo - Dennis Man-a'n goal khat dang a khung leh bakah, Ricardo Pepi leh Couhaib Driouech ten goal khat ve ve an khung ve leh a, PSV-in tun UCL-a match thum an khelhah a vawi khat nan hnehna an chang.

Serie A champion Napoli hian PSV hma hian Manchester City (2-0) an lo ngam lo tawh a, match thumah Sporting Lisbon (2-1) chiah an la hneh avangin, last 16 lut turin insiamṭhat ran an mamawh.