Isak leh Frimpong an inhliam

Eintracht Frankfurt nena an inkhelah Liverpool striker man to Alexander Isak chu hliam vangin lakchhuah a ngai a, Swedish striker hma hian Jeremie Frimpong chu hliam vang thoa lakchhuah a ngai bawk.

Liverpool boss Arne Slot chuan, "Isak khan a ṭhalah na a nei a, chuvang chuan kan la chhuak. Thla thum vel inkhel loa a awm avangin a dim thei ang bera chhawr kan duh a, chuvang chuan pen khat zelin kan kalpui.

"Chutiang a nih lai chuan ngaihdan dang nei pawh an awm ve zel a, ni thum chhungin a match hnihna kan khelhtir a, vanduai thlak takin lakchhuah a ngai ta a ni. A ṭhat leh thuai beisei phawt mai ang," a ti.

Hetihlai hian Frimpong pawh hliam vanga lakchhuah a ngai a, Slot chuan, "Jeremie hi malpui hliam vangin a lo chawl tawh a, a dam ṭan a, mahse, a malpuiah bawk hliam a nei nawn a ni," a ti a, a right back chu a chawlh rih a ngaih tur thu a sawi bawk.