Basketball ka khel zawk ṭep a ni - Gvardiol

Josko Gvardiol chuan tun hmain football aiin basketball a thlang zawk hman teuh hle tih a sawi a, infiamna huangah football chauh ni loin thil dang pawh a khel thiam hle tihna a ni.

Kum 23 mi Gvardiol hian kum 2023 August khan RB Leipzig aṭangin Manchester City a zawm, pound maktaduai 77 man niin khawvela defender man tam pahnihna a ni hial.

Dinamo Zagreb tana a khelh lai sawiin Gvardiol chuan, "Kum 16 mi chauh kha la ni a, senior team tan ka la khel phak lo. Training tura kan kal khan hlimna ka nei lo a, chuvangin khaw dang hawi mai te kha ka duh ṭhin.

"Ka ṭhiante khan basketball an khel a, kei pawhin nun hlimna a nih beiseiin basketball khelh ve mai pawh kha ka tum hman," tiin a sawi a, football a thlang tlang erawh tun thlengin a inchhir lo hle ang.

Gvardiol tih lohah chuan Harry Maguire chu khawvela defender man tam ber a ni. Leicester City aṭanga Maguire lei chhuak turin Manchester United khan pound maktaduai 80 lai an seng a ni.