Vacherot hnehtu Taylor Fritz

Shanghai Masters champion Valentin Vacherot chuan a khelh ṭhat a chhunzawm thei lo. Vacherot hi Swiss Indoors-ah a inlan zui a, a match hmasa berah Taylor Fritz hneh loin a zinkawng a tawp nghal.

Fritz hian 4-6, 7-6 (7/4), 7-5 in hnehna a chang a, a match lehpekah chuan Ugo Humbert a hmachhawn leh dawn a ni. Season tawp lama ranking siamṭha turin hun ṭha a nei chhunzawm dawn tihna a ni.

Chak lo Vacherot hian hmanni lawk khan a la dai ngai loh ram a dai, world number 204 ni chungin ATP 1000 Masters nomawi a chawi a, ranking chhuak tharah chuan 165-na a ni phak ta chiah bawk.

Vacherot hian world number 4 Fritz lakah pawh a khel ṭha thawkhat viau, set hmasa ber pawh a la. Mahse, set hnihna aṭangin Fritz a chesual duh tawh lo, dawhthei taka khel chungin hnehna a chang, fiahna hautak a paltlang a ni.