Spurs chakna Wembanyama

NBA regular season chu a hmuhnawm nghal - nimin zinh inkhelah Victor Wembanyama chuan point 40 neiin San Antonio Spurs chu Dallas Mavericks lakah 125-92 in hnehna a chanpui.

Wembanyama hi a dar hliam vangin February khan zai a ni a, chumi hnuah tun ṭum hi regular season a khelh lehna hmasa ber a ni, a khelh ṭhat em avangin mi ngaihven Cooper Flagg a hliah khuh hneh hle.

Cooper Flagg hi kum 18 mi chauh a la ni a, 2025 draft-ah khan number 1 pick a ni - Mavs tan a match hmasa ber a khel a, legend LeBron James dawtah chuan NBA khel thei naupang ber a ni hial.

Philadelphia 76ers tan VJ Edgecombe chuan point 34 neiin a team hi Boston Celtics lakah 117-116 in a chak pui a;Wilt Chamberlain hnuah NBA match khelh hmasak bera point nei tam ber a ni, Wilt Chamberlain khan kum 1959 daih tawh khan Philadelphia Warriors tana a match hmasa berah point 43 a lo nei tawh a ni.