Marquez tan season a tawp

MotoGP champion Marc Marquez chuan tun season chhungin inelna a hmachhawn dawn tawh lo. Intlansiak hmabak pathum la awm mah se, a hliam vangin a tlan thei ve dawn tawh lo a ni.

Indonesian Grand Prix an tlan ṭumin Marquez hi a chesual, a vawi sarih nana MotoGP champion a nih hnuah hliam hi a tuar a ni. A tirah chuan inelna hnuhnung pahnih chu a hmachhawn theih beisei ni mah se, team lam chuan an hmang thei dawn lo tih an sawi chiang.

Spanish rider Marquez chuan, "Ka dinhmun ngun takin endik a ni a, thil thleng thei leh thleng tawhte uluk taka zir chian a ni bawk. Ka tan tun season chhungin intlansiak ve theih a ni dawn tawh lo," a ti.

Pathianni chhun dar 12:30 hian Sepang Circuit-ah Malaysia Grand Prix an tlan dawn a, champion Marquez leh pahnihna Alex Marquez te dinhmun a chian tawh avangin intlansiak hian kawngro a su tam tawh lo ang.