Amorim hi a ṭha tawk - Brighton boss

Brighton & Hove Albion coach Fabian Hurzeler chuan Manchester United manager Ruben Amorim chu khawvela coach ṭha ber pawl a nih thu a sawi a, hmachhawn a châk tawh thu a sawi tel.

Manchester United hian zanin dar 10:00-ah league match an khel dawn a, Brighton & Hove Albion chu Old Trafford-ah an mikhual dawn.

Brighton boss Hurzeler chuan, "Amorim-a'n Manchester United tana result a neih dan hi ka lo sawi tur a awm lo a, mahse, khawvela coach ṭha ber pawl ka hmachhawn dawn avangin ka inpeih tawh hle thung.

"Ka ngaihdanah chuan khawvela coach ṭha ber pawl a ni. United-ah beisei ang result a la nei rih lo tih chu ka hria a, mahse, theihna a neih sanzia chu kan lo hmu tawh alawm," a ti a, Amorim a fak hle.

Manchester United-in tun hnaiah result an nei ṭha a, 2-0 a Sunderland an hneh hnuah, Liverpool chu 2-1 in an hneh leh tawh. Mahse, Amorim-a hnuaiah Red Devils hian match thum a zawna chak an la nei lo a, zaninah Portuguese coach-in a record duhawm lo hi thaibo a tum ang.