Thunder chakpuitu Shai Gilgeous-Alexander

Nimin zing NBA regular season inkhelah Shai Gilgeous-Alexander chuan point 55 a nei a, over time vawi hnih ngawt an khelh hnuah Oklahoma City Thunder chu Indiana Pacers lakah 141-135 in a chakpui.

Team pahnih hian season hmasa pawh khan NBA nomawi an lo inchuh tawh, tun ṭumah pawh hian an inkhel tawk hle. Hun pawimawh laiah Gilgeous-Alexander a inlar a, an match hmasa lama Houston Rockets an hneh ṭum ang bawkin a ṭangkai hle.

Gilgeous-Alexander chuan, "A bul ṭan fuh hi a pawimawh, kan team-ah hian player hrang hrang khelh dan inang lo tak tak kan awmkhawm, kan zavaia thawhrah hmangin a tawpah hnehna kan chang," a ti.

Inkhel dangah Golden State Warriors pawhin over time khelh hnuah Denver Nuggets chu 137-131 in an hneh, an chak theih nan point 42 neitu Stephen Curry a langsar lehpek hle a ni.