Mister Mizoram 2025 Jeremy

MSSC Golden Jubilee Bodybuilding Championship 2025 chu October 23-24, 2025 khan Vaivakawn Cultural Center cum Auditorium-ah neih a ni a, Thingsulthliah tlangval Jeremy Lallawmzuala chu Mister Mizoram tan thlan a ni.

Inelna hi Bodybuilding and Fitness Association of Mizoram (BBFAM) buatsaih a ni a, Mister Mizoram hi vawi 26 thlan chhuah tawh niin Jeremy hi Mister Mizoram ni thei 15-na a ni.

Mister Mizorama tel turin Jeremy hi a thawkrim hle. Thingsulthliah tlangval Jeremy chuan, "Nikum Mister Mizoram contest zawh aṭang khan inthlahdah loin nitin exercise ka la a. Tlai lamah Gym-ah ka workout a, zanah ka theih anga hmaah ka muhil a, ei leh in hun biah tak ka ei a, ka in puahchah chhung hian vawi khat mah exercise lak leh ka ei leh in hmaih ka nei miah lo," tiin a inbuatsaihna chungchang Vanglaini a hrilh.

Body building a luh chhoh dan sawi zuiin Jeremy chuan, "Football khel ṭhin cher chhe ve tak mai ka ni a, ṭhat vanglai taka pian ṭha ve tak leh chak ve tak mai nih châkna ka nei a. April 2018 aṭang khan gym ka kal ve ṭan a, weight khawih lamah hian ka tui chhoh em avangin taksa siamna chauh lo pawh rit chawi a in elna Powerlifting ka khel nasa ṭhin bawk. Kum 2024 aṭangin bodybuilding-ah hi chuan full concentration pein ka luhchilh ve tak tak a, nuam ka tiin theih tawp chhuah zel ka tum a ni," tiin a sawi.

MSSC Golden Jubilee Bodybuilding Championship 2025 result kimchang hi page 10-ah dah a ni.