Mizoram Archery C'ship an zo fel

Archery Association of Mizoram buatsaih MSSC Golden Jubilee Celebration 15th Mizoram Archery Championship 2025 chu October 24, Zirtawpni khan Archery Ground, Republic Vengah neih a ni.

Championship-ah hian category pathum Indian Round, Recurve leh Compound-ah te ṭhen a ni a; category hrang hrang hi Mini Sub Junior, Sub Junior, Junior, Senior leh Team-ah te inelna neih a ni.

Category hrang hranga champion-te hi state aiawhin National C'ship-ah tirh an ni ang. Club leh Centre aṭanga inelna hmachhawn zingah Khelo India Centre Archery-in gold pathum, silver leh bronze pasarih ve ve lain an ti ṭha ber a, pahnihnaah Republic Archery Club awmin gold pahnih leh bronze pakhat an la. PP Archery Club chu pathumna an ni a, gold leh bronze pakhat ve ve an la thung.