Noskova hnehin Bencic-i a champion

Hmeichhe tennis inelna Pan Pacific Open chu nimin khan khelh zawh a ni a, nomawi inchuhna inkhel hmuhnawmah Belinda Bencic chuan seeded parukna Linda Noskova chu 6-2, 6-3 a hnehin a champion.

Bencic hian tennis a khelh hun chhungin WTA title 10 a la tling ta chiah a, kumin chhung bikin vawi hnih a champion ta chiah - February khan Abu Dhabi-ah a lo hlawhtling tawh bawk a ni.

Kum 28 mi Belinda Bencic chuan, "Tuna kan inkhelhna hmunah hian Tokyo Olympic kha ka lo khel tawh a, kan ram Switzerland tan gold medal ka vaw chhuak, tunah hun lawmawm dang ka tawng leh ta hi a hlu hle a ni," a ti.

Bencic hian quarterfinal leh semifinal-ah set thum a khel ve ve a, match hautak tak pahnih a paltlang hnuah final-ah chuan straight set hmangin hnehna a chang.