NBA All-Star captain tur LeBron leh Giannis
LeBron James leh Giannis Antetokounmpo te chu NBA All-Star team captain an ni dawn a, basketball player ṭha bikte inlanna tur ennawm hi February 17 zing dar 6:30-ah Chicago-ah khelh a ni ang.
Kuminah hian player thar pathum - Luka Doncic, Trae Young leh Pascal Siakam te chu a vawi khat nan an inlan dawn; exhibition game hi vawi 69 an neihna tur chiah a ni a, inelna dangte nen inang lo mah se mipuiin an hlut ṭhin hle.
Los Angeles Lakers superstar James hi season hmasa khan Team LeBron lamah hotupa a lo ni tawh a, a kaihhruaina hnuaiah Team Giannis hi an hneh, tun ṭumah hian player ropui pahnih bawk hi khawvelin a hmuh châk chu an ni.
James hi All-Star zingah vawi 16 a telna tur a ni dawn a, a team-ah hian tawnhriat nei ṭha James Harden, Anthony Davis leh Kawhi Leonard te an awm avangin Western Conference lam hi an buk a rit leh dawn.
All Star Weekend hi February 14 zan aṭangin ṭan a ni dawn a, February 16 zinga neih tur Skills Challenge, 3-Point Contest leh Slam Dunk te chung basketball ngainatute tana hmaih phal loh tur a ni. Eastern Conference bul ṭan turte Trae Young (Atlanta Hawks), Kemba Walker (Boston Celtics), Pascal Siakam (Toronto Raptors), Giannis Antetokounmpo (Milwaukee Bucks), Joel Embiid (Philadelphia 76ers).Western Conference bul ṭan turte James Harden (Houston Rockets), Luka Doncic (Dallas Mavericks), Kawhi Leonard (Los Angeles Clippers), LeBron James (Los Angeles Lakers), Anthony Davis (Los Angeles Lakers).