Grand Slam dang ka duh - Murray

World number 1 Andy Murray chuan ranking-a a sang ber nih mai duhtawk loin Grand Slam nomawi pathuma chawi tawh bakah a dang chawi belh a duh thu a sawi chhuak.

Kum 29-a upa Murray hian Novak Djokovic lakaṭangin world number 1 nihna a chhuhsak a, Pathianni zana khelh zawh tak ATP World Tour Finals-ah Ser-bian tlangval hi hnehin a champion nomawi kawl lai a chhuhsak bawk.

Grand Slam vawi thum cham-pion tawh Murray chuan, "Number 1 nih hi ka tum ber pakhat a ni a, tunah chuan ka hlen tawh. He hmunah hian a rei thei ang ber awm chhunzawm ka tum ang," tiin a sawi.

Britain tlangval hian chawlh a nei rih dawn a, December thla
aṭangin season thar inbuatsaihna a nei ṭan ang. Nakkum January thla hian major tournament hmasa ber Australian Open khelh a ni leh ang. Mel-bourne-ah hian Djokovic chu vawi ruk a cham-pion tawh a, final-ah Murray hi
ṭum li ngawt a hneh tawh.

Murray chuan season thar thlirin, "December thla aṭang chuan ngawrh takin inbuatsaihna ka neih a ngai tawh dawn. Grand Slam inelna chu best of five hmanga chak zawk zawn a nih ṭhin avangin a hautak a, huaisen bakah tumruh a ngai zual. Tuna ka thil tum leh hmasa tur chu a tam thei ang ber major title lak belh a ni," a ti.