Sindhu-i'n second round a lut

India chhuanvawr Saina Neh-wal-i'n a match hmasa bera hnehna a chan hnuah PV Sindhu chuan Susanto Yulia Yosephin hnehin Hong Kong Open Super Series badminton tournament-ah second round a lut ve leh ta.

Nilaini zan khan Rio Olympic silver medallist Sindhu hian Indonesian shuttler Yosephin hi minute 32 chhung lekin 21-13, 21-16 in a hneh. Sindhu hian second round-ah chuan seeded pasarihna Sing Ji Hyun hnehtu Hsu Ya Ching a hmachhawn leh ang.

Nikum Hong Kong Open-ah khan Sindhu hi first round-ah world number 1 Carolina Marin hneh loin a tla nghal a, kuminah Olympic cham-pion Marin hi a inlan ve leh bawk avangin an chak chho zel anih chuan an la inhmachhawn leh thei dawn.

Kum 21-a upa Sindhu hian kar hmasa khan a vawi khat nan China Open nomawi a chawi tawh a, tunah hian December a khelh tur World Super Series Finals khel thei turin beiseina a nei mek.

Seeded pangana Sindhu chuan, "Ka khel ṭha tluang zel a, inringtawk leh nuam ti takin court-ah hun ka hmang thei. Vawi khat chak a tawk lo a, a tam thei ang ber hnehna chan chhunzawm ka tum," tiin a sawi.