Steven Gerrard a chawl ta

Liverpool leh England captain hlui Steven Gerrard chuan football khelh a chawlh san thu a puang.

Kum 36-a upa Gerrard hian Liverpool tan match 710 khelhin major title pariat a lakpui, hemi hnu kum 2015 khan Major League Soccer (MSL) club La Galaxy a zawm.

Gerrard chuan, "Tun hnaiah hliam ka nei ngun hle a, zin kualte chu ka tan phurrit a tling ṭan ta. Ka mi rinzawng leh inkhelh chungchang hre takte hnen aṭangin thurawn ka la reng a, tun hi chawlh hun dik chu niin ka hria. Football-ah hun hlimawm leh nuam tak ka hmang a, Liverpool, England leh LA Galaxy tana hun ka hmanpui zawng zawngte chungah lawmthu ka sawi," a ti.

Kum 2003 khan mana-ger Gerard Houllier chuan Liverpool captain atan Ger-rard hi a ruat a, kum 2005-a Reds-in Champions League nomawi an chawi theih nan final-ah AC Milan lak-ah goal a khung nghe nghe.