Semifinal-ah Mumbai City

Nilaini zan Indian Super League inkhel-ah Mizo tlangval Lalhma-ngaihsanga Ralte (Sena Ralte) chuan Emerging Player of the Match chawi-mawina a dawng a, ISL semifinal lut hmasa ber ni turin Mumbai City chu Chennaiyin lakah 2-0 in hnehna a chanpui.

Mumbai City tan Matias Defederico chuan minute 32-naah goal hma-hruai a khung a, Krisztian Vadocz chuan minute 60-naah an chak nemngheh nan an goal hnihna a khung ve leh bawk.

Champion lai Chen-naiyin tan erawh semifinal lut tur chuan thil mak a thlen a ngai tawh a, an match hmabak la awm pahnihah chak pawh nise team dang result-ah an innghah a ṭul tawh ang.

Nilaini zan inkhelah hian hliam vangin Jeje Lalpekhlua chu Chennai club tan a inlan thei lo a, rin loh takin Jerry Lalrin-zuala chu bench-ah dah a ni bawk. Daniel Lal-hlimpuia chu second half-ah goal beiseiin luhtir ni mah se Serchhip rawlthar hian goal a keng tel lo.