Tuipui-Tuichangral Games vawi 19-na

Tuichangral leh Tuipuiral huamchhunga khaw 60 huapa Games neih ṭhin Tuipui-Tuichangral Games vawi 19-na chu Khawhaiah November 25-30 chhung khan neih a ni a, a pumpuiah a thlengtu Khawhai an champion. Khawhai hian gold medal 11 leh silver medal 14 an la a, anmahni hnaih bertu East Lungdar hian gold medal pakua, silver medal pathum bakah bronze medal pakhat an la ve bawk.

Tun ṭum inelnaah hian khaw 15 an tel a, discipline 13-ah inelna neih neih a ni a, best athlete mipaah Khawhai tlangval Thlamuanpuia Sailo thlan a ni a, khawtual nula Vanlalmalsawmzuali chu hmeichhe lamah thlan a ni. A pumpuia champion Khawhai hi kum 2015 aṭanga Tuipui-Tuichangral Games tih thar a nih leh hnuah an vawi khat champion-na a ni a, kum 2015 leh 2017 khan pahnihna ve ve an ni.