Ranji Trophy Mizoram hmachhawn tur Nagaland

India ram chhunga first class cricket inelna ngaihhlut Ranji Trophy khelh kal mekah Mizoram chuan vawiin hian Kokata khawpuiah Nagaland a hmachhawn ang.

Cricket Association of Mizoram (CAM) hian season hmasa aṭang khan cricket inelna sang hi a khel ve ṭan chauh a, sulhnu lian la ngah lo mah se hma an sawn ve zel; an match hnuhnung berah Sikkim chu run 78-in an hneh thei a ni.

Nagaland lakah hian Sikkim laka che ṭha G. Lalbiakvela a inlan leh dawn, Luangmual tlangval bakah hian Lalhruaizela leh First Division inelna neih zawh taka man of the series leh best batsman K. Vanlalruata te chu zin chhuak tur zingah an tel bawk.

Mizoram hi plate group-ah an awm a, Sikkim an hneh bakah Arunachal Pradesh nen an inhnehtawk. Mizoram hian point kua (9) hmuin team 10 awm khawm zingah pasarihna dinhmun an luah mek.