Bale hoin Real an chak
October 5 hnua a vawi khat nan Gareth Bale chuan Real Madrid tan inkhel bul a ṭan a, Alaves mualah 2-1 in hnehna an chang.
Real tan captain Sergio Ramos chuan minute 52-naah goal hmahruai a tauh lut a, Alaves-in Lucas Perez penalty hmangin an chhanglet. Mahse, minute 69-naah Real tan Dani Carvajal chuan a khung ve leh a, mualneitu Alaves-in a chhanletna tur an neih tawh loh avangin Real an chak.
Bale-a'n Ocotber thlatirah a chawnah hliam a neih avangin rei tak bul a ṭan lo a, international break laia Madrid tih elna banner a ken avangin sawisel a tawk bawk. Mahse, Alaves lakah pawh Bale hian harsatna nei lo ang maiin a khel a, a vanneih ṭum ni se goal a khung ang - post a tih per.
Real-in hnehna an chan avangin table chung berah an awm chhunzawm a, nizan inkhelah Barcelona-in Atletico Madrid an hneh chuan Real hmuh ang zat point 31 neiin a chung ber an rawn luah leh ang.
Inkhel Results
Celta Vigo 0 - 0 Real Valladolid
Deportivo Alaves 1 - 2 Real Madrid
Real Sociedad 4 - 1 Eibar
Mallorca 1 - 2 Real Betis
Valencia 2 - 1 Villarreal